t
Луки, Святаго Евангелия чтение.
Господи
помилуй,
Господи помилуй,
Господи помилуй.
Во
дни оны, воставши Мариам, иде в горняя со тщанием, во град Иудов:
и вниде в дом Захарин, и целова Елисавет. И бысть яко услыша Елисавет
целование Мариино, взыграся младенец во чреве Ея: и исполнися
Духа Свята Елисавет. И возопи гласом велиим, и рече: благословенна
Ты в женах, и благословен Плод черева Твоего. И откуду мне сие,
да прииде Мати Господа моего ко мне; Се бо, яко бысть глас целования
Твоего во ушию моею, взыграся младенец радощами во чреве моем.
И блаженна веровавшая, яко будет совершение глаголанным Ей от
Господа. И рече Мариам: величит душа моя Господа, и возрадовася
дух мой о Бозе Спасе моем. Яко призре на смирение рабы Своея:
се бо от ныне ублажат Мя вси роди. Яко сотвори Мне величие Сильный,
и Свято имя Его. Пребысть же Мариам с Нею яко три месяцы и возвратися
в дом Свой.
Слава
Тебе Господи, Слава Тебе!
Слава Отцу и Сыну
и Святому Духу,
ныне и присно и
во веки веков. Аминь.
|
К
Богородице
прилежно ныне притецем грешние и смиреннии и припадем в покаянии
зовуще из глубины души: Владычице, помози, на ны милосердовавши,
потщися, погибаем от множества прегрешений, не отврати Твоя
рабы тщы, Тя бо и едину надежду имамы.
