|
|
Господь просвешение мое и Спаситель мой, кого убоюся? Господь Защититель
живота моего, от кого устрашуся? Внегда приближатися на мя злобующым,
еже снести плоти моея, оскорбляющии мя, и врази мои, тии изнемогоша
и падоша. Аще ополчится на мя полк, не убоится сердце мое, аще востанет
на мя брань, на Него аз уповаю. Едино просих от Господа, то взыщу:
еже жити ми в дому Господни вся дни живота моего, зрети красоту
Господню и посещати храм святый Его. Яко скры мя в селении Своем
в день зол моих, покры мя в тайне селения Своего, на камень вознесе
мя. И ныне се вознесе главу мою, на враги моя: обыдох и пожрох в
селении Его жертву хваления и воскликновения, пою и воспою Господеви.
Услыши, Господи, глас мой, имже воззвах: помилуй мя и услыши мя.
Тебе рече сердце мое, Господа взыщу. Взыска Тебе лице мое, лица
Твоего, Господи, взыщу. Не отврати лица Твоего от мне о не уклонися
гневом от раба Твоего: помошник мой буди, не отрини мене и не остави
мене, Боже Спасителю мой. Яко отец мой и мати моя остависта мя,
Господь же восприят мя. Законоположи ми, Господи, в пути Твоем и
настави мя на стезю правую враг моих ради. Не предаждь мене в души
стужающих ми, яко восташа свидетеле неправеднии и солга неправда
себе. Верую видети благая Господня на земли живых. Потерпи Господа,
мужайся и да крепится сердце твое, и потерпи Господа.
|
|
|