+ Небесных воинств архистратиже, молим тя присно мы недостойнии, да твоим молитвами оградиши нас кровом крил невещественныя твоея славы, сохраняя нас, припадающих прилежно и вопиющих: от бед избави нас яко чиноначальник вышних сил.

+ На Небесех зря Божию славу и на земли с высоты подая благодать, начальниче ангелов, мудре Гаврииле, Божия славы служителю и мира Божественный поборниче, спасай, соблюдай вопиющия ти: сам буди помощник, и никтоже на ны.

+ Архистратиже Божий, служителю Божественныя славы, ангелов начальниче и человеков наставниче, полезное нам проси и велию милость, яко бесплотных Архистратиг.

+ Пресветлыя и Честныя, и Вседетельныя, Пренеисчетныя и Страшныя Троицы, ты еси, архистратиже, славный служителю и молитвенниче, ныне непрестанно моли избавитися нам от всяких бед и мук, да зовем ти: радуйся, покрове рабом твоим.