I. Исхода чтение:
Глагола Господь к Моисею, глаголя: в день един месяца перваго, поставиши скинию свидения: и вложиши кивот, и покрыеши его завесою. И внесеши трапезу и светильник ея, и положиши кадильницу златую, во еже кадити пред кивотом всидения. И положиши покров завесы над дверьми скинии свидения. И возмеши элей помазания, и помажеши скинию, и вся яже в ней, и освятиши ю, и свя сосуды ея, и будет свята. И освятиши жертвенник, и будет жертвенник святая святых. И сотвори Моисей вся елика заповеда ему Господь Бог, Святый Израилев. И покры облак скинию свидения, и славы Господни исполнися скиния. И не можаше Моисей внити в скинию свидения, яко осеняше над нею облак: и славы Господни исполнися скиния.
объяснение:

II. Царств третьих чтение:
Бысть, яко соверши Соломон, еже создати дом Господень. И собра вся старцы Израилевы в Сион вознести кивот завета Господня из нрада Давидова, сей есть Сион. И взяша священницы кивот завета Господня, и скинию свидения, и вся сосуды святыя, яже в скинии свидения. И царь, и весь Израиль пред кивотом. И внесоша священницы кивот завета Господня на место его, в давир храма, во святая святых, под крила херувимов. Яко херувимы бяху распростерты крилами над местом кивота: и покрываху херувими над кивотом, и над святая его свышше. И не бе в кивоте, кроме двух скрижалей завета, яже положи тамо Моисей в Хориве, яже завеща Господь. И бысть яко изыдоша священницы от святаго, и облак исполни дом. И не возмогоша священницы стати служити от лица облака: яко исполнися славы дом Господа Бога Вседержителя.
объяснение:

III. Пророчества Иезекиилева чтение:
Тако глаголет Господь: будет от дне осмаго и прочее, сотворят иереи на олтари всесожжения вашего, и яже спасения вашего, и прииму вы, глаголет адонаи Господь. И обрати мя на путь врат святых внешних, зрящих на востоки, и сия бяху затворэна. И рече Господь ко мне: врата сия затворена будут, и не отверзутся, и никтоже пройдет ими, и будут затворена. Яко Господь Бог Израилев пройдет ими, и будут затворена. Яко игумен сядет в них снести хлеб. По пути Эламских врат внидет, и по пути его изыдет. И введе мя по пути врат святых сущих к северу, прямо храму, и видех, и се исполнь славы храм Господень.
объяснение: