I. Бытия чтение

Изыде Иаков от студенца клятвенного, и иде в Харран. И обрете место, и спа тамо: зайде бо солнце, и взят от камения места того, и положи возглавие себе, и спа на месте оном. И сон виде, и се лествица утверждена на земли, еяже главадосязаше до небес, и ангели Божии восхождаху и нисхождаху по ней. Господь же утверждашеся на ней, и рече: Аз Бог Авраамов отца твоего, и Бог Исааков, не бойся: земля идеже ты спиши на ней, тебе дам ю, и семени твоему. И будет семя твое яко песок земный, и распространица на море, и ливу, и север, и на востоки: и возблагословятся от тебе вся колена земная, и о семени твоем. И се Аз с тобою сохраняй тя на всяком пути, аможе аще пойдеши. и возвращу тя в землю сию: яко не имам тебе оставити, дондежи сотворити Ми вся, елика глаголах тебе. И воста Иаков от сна своего, и рече: яко есть Господь на месте сем, аз же не ведех. И убояся, и рече: яко страшно место сие: несть сие, но дом Божий, и сия врата небесная.
объяснение

II. Пророчества Иезекиилева чтетие

Тако глаголет Господь: будет от дне осьмаго и прочее, сотворят иереи на олтари всесожжения вашего, и яже спасения вашего, и прииму вы, глаголет Адонаи Господь. И обрати мя на путь врат святых внешних, зряших на востоки, и сия бяху затворэна. И рече Господь ко мне: врата сия затворэна будут, и не отверзутся, и никтоже пройдет ими, и будут затворэна. Яко игумен сядет в них снести хлеб, по пути еламских врат внидет, и по пути его изыдет. И введе мя по пути врат святых сущих к северу, прямо храму: и видех, и се исполнь славы храм Господень.
объяснение

III. Притчей чтение

Премудрость созда себе дом, и утверди столпов седмь: Закла своя жертвенная, и раствори в чаши своей вино, и уготова свою трапезу: Посла своя рабы, созывающи с высоким проповеданием на чашу, глаголюще: Иже есть безумен, да уклонится ко мне. И требующим ума рече: приидите, ядите мой хлеб, и пейте вино, яже растворих вам. Оставите безумие, и живи будете: и взыщете разума, да поживете: и исправите разум в ведении. Наказуяй злыя, приимет себе безчестие, обличаяй же нечестиваго опорочит себе: обличения бо нечестивому, раны ему. Не обличай злых, да не возненавидят тебе: обличай премудра, и возлюбит тя. Даждь премудрому вину, премудрший будет: сказуй праведному, и приложит внимати. Начало премудрости страх Господень, и совет святых, разум: разумети бо закон, помысла есть благаго. Сим бо образом многое поживеши время, и приложатся тебе лета живота.
объяснение